Program

Tema for festivalen i 2019 er VANDRING.

5. juni, 2019
kl 18.00
Pris: 250,-

Hárr
Håkon Stene // Benedicte Maurseth // Mats Eilertsen // Jasser Haj Youssef

Konsertarena: Gamle Eidfjord kyrkje

Velkomen til verdspremiere! Benedicte Maurseth har komponert tingingsverket til Hardanger Musikkfest 2019. Verket har tittelen Hárr, som er det gamle norrøne namnet på fjellet Hårteigen, det høgaste fjellet på Hardangervidda. Ein kan sjå store delar av vidda derfrå, og hárr tyder også "den grå vegvisaren”. Ta gjerne med ei pute til å sitje på!

6. juni, 2019
kl 9.00
Pris: 250,-

Morgontonar på Gløyp
Jasser Haj Youssef // Benedicte Maurseth

Konsertarena: Gløyp, Kinsarvik

Start dagen med den anerkjende tunisiske fiolinisten Jasser Haj-Youssef i samspel med Hardanger si eiga Benedicte Maurseth! Jasser har med seg si viola d’amore – ein sju-strengs bratsj som liknar hardingfela med resonansstrenger som kling med. Benedicte Maurseth frå Eidfjord er ein etablert og anerkjend utøvar innan norsk folkemusikk, og har Hardanger sin tradisjonsmusikk som spesialfelt. Frukost inkludert i billetten!

Kjøp billett

6. juni, 2019
kl 16.00

Sidersoger - Vernissage
Maia Urstad

Lydkunstnar Maia Urstad har laga ein spennande lydkunstinstallasjon på Alvavoll gard. I verket SIDERSOGER er det tankane som brukast til siderproduksjon som er sjølve instrumentet. Verket tematiserar Hardanger og hardangerepla si reise ut i verda. Inspirasjonen kjem frå lokale historier om utveksling med omverda gjennom alle tider; munkar som kom med epler, sherpaer som byggjer trapp i fjellet, honning, sider og andre produkt som ein har odla og foredla lokalt, og som sidan drar ut i verda igjen. Vi inviterer publikum til ein pust i bakken i eit av produksjonslokala på Alvavoll Gard: Sit ned, ta inn utsikta, legg øyret inntil ein tank og lytt til «Sidersoger». Materialar/teknikk: 7 ståltankar i varierande storleikar, resonnerande overflatehøgttalarar, fleirkanals avspillingsteknologi.

Kjøp billett

6. juni, 2019
kl 18.00
Pris: 400,-

Opningskonsert: SS Mendi - Dancing the death drill
Isango Ensemble / SS Mendi

Konsertarena: Fjordahallen, Kinsarvik

Gå ikkje glipp av årets storhending i Hardanger, eit unikt og rørande gjestespel frå Sør-Afrika. Isango Ensemble med førestillinga SS Mendi – Dancing the death drill. Dei fleste hadde aldri sett havet tidlegare. Mange kunne ikkje symje. Det var få som overlevde forliset som er blitt kalla «Den svarte Titanic». “The final death drill — a stamping, ferocious dance, the performers armed with spades and pickaxes, eyes blazing — has a potency that knocks the breath from your body.” – THE TIMES. Vert presentert i samarbeid med Festspillene i Bergen

Kjøp billett

6. juni, 2019
kl 21.00
Pris: 250,-

Hárr
Håkon Stene // Benedicte Maurseth // Mats Eilertsen // Jasser Haj Youssef

Konsertarena: Odda kyrkje

Velkomen til verdspremiere! Benedicte Maurseth har komponert tingingsverket til Hardanger Musikkfest 2019. Verket har tittelen Hárr, som er det gamle norrøne namnet på fjellet Hårteigen, det høgaste fjellet på Hardangervidda. Ein kan sjå store delar av vidda derfrå, og hárr tyder også "den grå vegvisaren”.

Kjøp billett

6. juni, 2019
kl 22.00
Pris: 250,-

Vandringstimen m/Edvard Munch Ensemble
Edvard Munch Ensemble // Guro Kleven Hagen // Sverre Barratt-Due

Konsertarena: Ullensvang kyrkje

Få ting ikring oss er like myteomspunne som månen. Den påverker dagane, nettene, fuglane, havet og våre kjensleliv. Edvard Munch Ensemble tar oss med på ei musikalsk reise til månen sitt spanande og ukjende landskap. Frå Debussy si djupaste smerte gjennom Mozart si dansande glede, Prokofiev si stille leiting i det mystiske og til Brahms sine søvndyssande voggeviser. Gjennom alt frå soloverk til klaverkvintett skapar ensemblet ei musikalsk reise som saman med kjende kunstverk og tankevekkjande poesi tek oss gjennom månen sitt lunefulle landskap.

Kjøp billett

7. juni, 2019
kl 12.00
Pris: 250,-

Fjordspel med "Edvard Munch Kvartett"
Hanne Skjelbred // Sverre Barratt-Due // Victoria Puttermann // Guro Kleven Hagen

Konsertarena: Graaten

Nærare fjorden kjem ein ikkje! Opplev kvartett frå Edvard Munch Ensemble med Prokofiev sonate for to fiolinar, Gubaidulina Stryketrio og Debussy strykekvartett. Det vart opna landhandel i Graaten 1894 og stoppestad for dampskip i 1899. I kjellaren er det eit gammalt saftpresseri kor dei den eine hausten pressa 19 000 liter for hand. Det renn ein bekk gjennom huset som vart nytta til å drive turbinanlegget. I dag er det både overnatting og eit unikt konsertlokale - dessutan er det heimen til Therese Bakke og hennar familie!

Kjøp billett

7. juni, 2019
kl 12.00

Sidersoger
Maia Urstad

Lydkunstnar Maia Urstad har laga ein spennande lydkunstinstallasjon på Alvavoll gard. I verket SIDERSOGER er det tankane som brukast til siderproduksjon som er sjølve instrumentet. Verket tematiserar Hardanger og hardangerepla si reise ut i verda. Inspirasjonen kjem frå lokale historier om utveksling med omverda gjennom alle tider; munkar som kom med epler, sherpaer som byggjer trapp i fjellet, honning, sider og andre produkt som ein har odla og foredla lokalt, og som sidan drar ut i verda igjen. Vi inviterer publikum til ein pust i bakken i eit av produksjonslokala på Alvavoll Gard: Sit ned, ta inn utsikta, legg øyret inntil ein tank og lytt til «Sidersoger». Materialar/teknikk: 7 ståltankar i varierande storleikar, resonnerande overflatehøgttalarar, fleirkanals avspillingsteknologi.

Kjøp billett

7. juni, 2019
kl 15.30
Pris: 250,-

Haugtussa
Thormod Rønning Kvam // Eir Inderhaug

Konsertarena: Krossvoll, Lofthus

Arne Garborg / Edvard Grieg Då Garborg sin diktsyklus om den synske jenta Veslemøy kom ut i 1895, sa ein oppglødd Edvard Grieg: “Selve Sproget er jo Musik!” Dei vakre songane er ei forteljing om Veslemøy og hennar møte med naturen, kjærleiken og dei underjordiske. Dette er musikk og poesi som vender seg direkte til hjartet. Haugtussa forløyste ei stor kreativ kraft hjå Grieg. I 1898, tre år etter utgivnaden, kom Grieg sin sangsyklus ut, full av mørk og vakker naturmystikk, bygd på det norske språket og forteljinga til Garborg, men med musikalske røter i ein større, europeisk sangtradisjon. «De beste Sanger jeg har skrevet», slo Grieg fast.

Kjøp billett

7. juni, 2019
kl 16.00
Pris: 250,-

Hárr
Håkon Stene // Benedicte Maurseth // Mats Eilertsen // Jasser Haj Youssef

Konsertarena: Kinsarvik kyrkje

Velkomen til verdspremiere! Benedicte Maurseth har komponert tingingsverket til Hardanger Musikkfest 2019. Verket har tittelen Hárr, som er det gamle norrøne namnet på fjellet Hårteigen, det høgaste fjellet på Hardangervidda. Ein kan sjå store delar av vidda derfrå, og hárr tyder også "den grå vegvisaren”.

Kjøp billett

7. juni, 2019
kl 18.00
Pris: 400,-

Overraskingskonsert med Sjøforsvarets musikkorps
Sjøforsvarets musikkorps // Eir Inderhaug // Edvard Munch Ensemble // Joachim Carr // Nils Økland // Amalie Stalheim // Håkon Stene // Benedicte Maurseth // Mats Eilertsen // Maria Tryti Vennerød // Guro Kleven Hagen // Sverre Barratt-Due

Konsertarena: Fjordahallen, Kinsarvik

Vi inviterer til den tradisjonsrike overraskingskonserten, for andre gongen i Fjordahallen i Kinsarvik - Ullensvang si nye storstove. Med Sjøforsvarets musikkorps i ryggen gjestar festivalartistane scenen i ein konsert som garantert blir forrykende og flott. Ein festaftan med høgdepunkt på rekkje og rad! Solistar: Joachim Carr, Guro Kleven Hagen, Tora Augestad, Amalie Stalheim, Eir Inderhaug med fleire Konferansier: Alf Magnus Reistad Dirigent: Ingar Bergby

Kjøp billett

7. juni, 2019
kl 22.00
Pris: 200,-

Nils Økland & Kristin Skaare med vener
Nils Økland // Kristin Skaare // Håkon Stene // Mats Eilertsen

Konsertarena: Krossvoll, Lofthus

Meistermøte på Krossvoll! Med garanti om god stemning. Kristin Skaare og Nils Økland får fritt spelerom. Begge har ein hang mot vare stemningar og sarte utrykk, men råskap og speleglede er også ein sjølvsagt del av paletten. Kristin Skaare reknas som ei av dei mest inderlege og allsidige pianistane me har og Nils Økland er ein av Norges fremste felespelare og ein fornyar av folkemusikktradisjonen. Kristin Skaare vert rekna som ei av våre mest inderlege og allsidige pianistar og Nils Økland er kjend som ein viktig fornyar av folkemusikktradisjonen i tillegg til å vere ein meisterspellemann.

Kjøp billett

8. juni, 2019
kl 10.00
Pris: 200,-

Morgonvandring til Lilletopp
Arnfinn Gursli Langesæter

Konsertarena: Lilletopp, Tyssedal

Ta turen til Lilletopp i Tyssedal! Turen opp tek ca 60 minuttar i roleg tempo og vert leia av guide frå Kraftmuseet som har mange gode historier og fortelje på vegen. Vel oppe vert det både kunstoppleving og eit mektig utsyn over Sørfjorden og Folgefonna for spreke turgåarar! Publikum får ein guida tur inn tverrslaget og vasstunnellar før vi kjem inn i fordelingsbassenget kor det blir musikk med Arnfinn Gursli Langesæter og framsyning av filmen til festivalkunstner Leander Djønne, Kvardagsstein (20 min). Oppmøte (og parkering) ved Tyssohallen (idrettsplassen)

Kjøp billett

8. juni, 2019
kl 10.00

Sidersoger
Maia Urstad

Lydkunstnar Maia Urstad har laga ein spennande lydkunstinstallasjon på Alvavoll gard. I verket SIDERSOGER er det tankane som brukast til siderproduksjon som er sjølve instrumentet. Verket tematiserar Hardanger og hardangerepla si reise ut i verda. Inspirasjonen kjem frå lokale historier om utveksling med omverda gjennom alle tider; munkar som kom med epler, sherpaer som byggjer trapp i fjellet, honning, sider og andre produkt som ein har odla og foredla lokalt, og som sidan drar ut i verda igjen. Vi inviterer publikum til ein pust i bakken i eit av produksjonslokala på Alvavoll Gard: Sit ned, ta inn utsikta, legg øyret inntil ein tank og lytt til «Sidersoger». Materialar/teknikk: 7 ståltankar i varierande storleikar, resonnerande overflatehøgttalarar, fleirkanals avspillingsteknologi.

Kjøp billett

8. juni, 2019
kl 12.00
Pris: 250,-

Maria Tryti Vennerød Portrett
Eir Inderhaug // Kristin Skaare // Mats Eilertsen // Tora Augestad // Maria Tryti Vennerød

Konsertarena: Krossvoll, Lofthus

Bli kjend med diktarskapet til Maria Tryri Vennerød som her vert presentert i ord og tonar! Maria Tryti Vennerød skriv naturleg musikalsk og med rytmisk driv, og er ein ettertrakta ordkunstnar for mange komponistar. Tekstane hennar har høg språkleg energi, ho er morosam og frekk, og ikkje nådig mot karakterane sine.

Kjøp billett

8. juni, 2019
kl 13.00
Pris: 250,-

Spellemenn / Diktardagen
Nils Økland // Håkon Stene // Benedicte Maurseth

Konsertarena: Hardanger folkemuseum, Utne

Dei forvaltar og fornyar ein stor kulturarv. Ber med seg historiene til alle dei som har vore med i lenka av munnleg overføringstradisjon. Slåttar lært på kjøkenet hos ein meisterspelemann, som igjen har lært han av sin bestefar, og slik går det bakover og bakover, men alltid i utvikling og endring. Nye slåttar kjem til og nye variantar av dei gamle oppstår. Historiene vandrar med oss. Billetten gjeld for heile programmet under Diktardagen. Arrangert i samarbeid med Hardanger folkemuseum og Olav H. Hauge-Senteret.

Kjøp billett

8. juni, 2019
kl 13.00
Pris: 250,-

Virtuos
Joachim Carr // Amalie Stalheim

Konsertarena: Skrivargarden, Lofthus

To av dei verkeleg store namna innan sin generasjon av klassiske stjerner - for første gong i samspel. Ei storhending i Hardanger! Amalie Stalheim er kjend for slåande teknisk brillians, samtidig som ho har eit personleg musikalsk uttrykk. Joachim Carr har ein djupsindig og delikat musikalitet i spelet sitt, som få unge musikarar kan vise til. Begge vinn stadig prisar i inn- og utland, og er på god veg til å etablere seg heilt i verdstoppen. Med seg i kofferten har dei Brahms, Debussy og Prokofiev.

Kjøp billett

8. juni, 2019
kl 14.00
Pris: 200,-

Maria Tryti Vennerød Portrett
Eir Inderhaug // Kristin Skaare // Mats Eilertsen // Tora Augestad // Maria Tryti Vennerød

Konsertarena: Krossvoll, Lofthus

Bli kjend med diktarskapet til Maria Tryri Vennerød som her vert presentert i ord og tonar! Maria Tryti Vennerød skriv naturleg musikalsk og med rytmisk driv, og er ein ettertrakta ordkunstnar for mange komponistar. Tekstane hennar har høg språkleg energi, ho er morosam og frekk, og ikkje nådig mot karakterane sine.

Kjøp billett

8. juni, 2019
kl 15.00
Pris: 200,-

Konsert i Bleietunet
Hanne Skjelbred // Sverre Barratt-Due // Victoria Puttermann // Guro Kleven Hagen

Konsertarena: Bleietunet

Kammermusikk i det fri! Når dagane vert korte og gulskjæret kjem i lia, er epla klare til hausting. Olav Bleie plukkar dei varleg ned når dei er søte nok og pressar dei til eplemost. Mosten fyller han i store ståltankar i lag med ein tanke sukker og gjær. Når gjæringa har kome godt i gang set han temperaturen ned og ventar spent i nokre månader. Slik får sideren utvikla seg sakte men sikkert, medan han held på den friske eplearomaen. Til våren når alle sidertankane er utgjæra kallar han saman gode vener med gode ganar, og dei smakar seg fram til ei blanding som er balansert mellom det søte og sure, det fruktige og den friske angen. I år inviterer vi dei same venene, og endå fleire, til å dele ein musikalsk meny kor samansetnaden mellom det søte og det friske, mellom norsk og østerriksk musikk er godt balansert! Musikk av Brustad, Berg og Mozart

Kjøp billett

8. juni, 2019
kl 16.00
Pris: 300,-

Sidervandring
Thormod Rønning Kvam

Konsertarena: Ekspedisjonen, Lofthus sentrum

Bli med på sidervandring i fruktbygda Lofthus! Vi går frå gard til gard og møter lokale siderprodusentar, historie, skrøner og ikkje minst sider! Litt smått å ete skal det og bli undervegs. Fruktdyrkinga i Ullensvang har lange tradisjonar som strekkjer seg attende til mellomalderen då cisterciensarmunkane kom frå Lyse kloster og etablerte seg på Lofthus. Dette var starten på fruktdyrkinga her, og gjennom tidene har Hardanger utvikla seg til å verte eit merkenamn som får folk til å tenkje på blømande frukttre og kvalitet. Munkane lærte bøndene både å dyrke frukt, brygge øl og å lage sider. Me møtes Ekspedisjonen Skjenkestove som ligg i fjordkanten. Der produserer dei sider og øl basert på dei gamle handverkstradisjonane. Turen går vidare gjennom gardstun og stier. Det vert smaking og høve til å handle. På vegen vil ein få innsyn i lokalhistoria og siderproduksjonen, samt oppleve musikkinnslag av beste kvalitet undervegs. Turen passar for alle og tek omlag 2 timar. Vel møtt!

Kjøp billett

8. juni, 2019
kl 16.00
Pris: 250,-

Virtuos
Joachim Carr // Amalie Stalheim

Konsertarena: Galleri N. Bergslien

To av dei verkeleg store namna innan sin generasjon av klassiske stjerner - for første gong i samspel. Ei storhending i Hardanger! Amalie Stalheim er kjend for slåande teknisk brillians, samtidig som ho har eit personleg musikalsk uttrykk. Joachim Carr har ein djupsindig og delikat musikalitet i spelet sitt, som få unge musikarar kan vise til. Begge vinn stadig prisar i inn- og utland, og er på god veg til å etablere seg heilt i verdstoppen. Med seg i kofferten har dei Brahms, Debussy og Prokofiev.

Kjøp billett

8. juni, 2019
kl 17.00
Pris: 250,-

Spellemenn
Nils Økland // Håkon Stene // Benedicte Maurseth

Konsertarena: Skrivargarden, Lofthus

Dei forvaltar og fornyar ein stor kulturarv. Ber med seg historiene til alle dei som har vore med i lenka av munnleg overføringstradisjon. Slåttar lært på kjøkenet hos ein meisterspelemann, som igjen har lært han av sin bestefar, og slik går det bakover og bakover, men alltid i utvikling og endring. Nye slåttar kjem til og nye variantar av dei gamle oppstår. Historiene vandrar med oss.

Kjøp billett

8. juni, 2019
kl 19.00
Pris: 350,-

Hardangerkoret med Ytre Suløen jass-ensemble og Tricia Boutté
Ytre Suløen Jass-ensemble og Tricia Bouttè

Konsertarena: Fjordahallen, Kinsarvik

Det store Hardangerkoret leia av Per Oddvar Hildre inviterer til storslått korkonsert med Tricia Bouté, Tora Augestad og Ytre Suløens Jass-ensemble. Det blir gospel og rytmisk driv, medrivande song og speleglede! Både Hardangerkoret og Ytre Suløen hadde jubileum i 2018, høvesvis 10 år og 45 år! Korleis kan eit band bestå i 45 år? Ved konstant å fornye seg sjølv, noko Ytre Suløens Jass-ensemble gjer, både m.o.t. det musikalsk repertoar og samansetnad. Bandet har medlemar frå 3 generasjonar, og reiser rundt med fleire spennande konsept. Dirigent Per Oddvar Hildre fekk i 2017 St.Olavs Orden for "sin fremragende innsats for kor og kultur." Hildre blei med dette "Kommandør av Den Kongelige Norske St. Olavs Orden", ei stor heidring frå Kongehuset som "belønning for utmerkede fortjenester for Norge og menneskeheten". Tricia Boutté er fødd i New Orleans, men no bosatt i Langevåg! Ho starta i gospelkor som ung jente og framstår som eit levande fyrverkeri på scena. Ho dansar, pratar, ler og flørtar med publikum og musikarar, og humøret er svært smittande. Samspelet mellom Hardangerkoret, Ytre Suløen Jazzensemble, Per Oddvar Hildre, Trica Boutté og vår eigen Tora Augestad blir ein festkveld av dei sjeldne!

Kjøp billett

8. juni, 2019
kl 22.00
Pris: 200,-

Bygdefest med Ytre Suløen
Ytre Suløen Jass-ensemble og Tricia Bouttè

Konsertarena: Krossvoll, Lofthus

Det vil venteleg svinge skikkeleg på Krossvoll når dette fyrverkeriet av eit jazzband spelar opp til bygdefest! Ytre Suløen har eit uttrykk som blandar tradisjonell amerikansk jazz med gospel og negro spirituals, med rom for personlege tolkningar og stilar. Framfor å gi ein nøyaktig gjenskaping av 20- og 30-åra spelestil, er ensemblet inspirert av New Orleans si ånd: Det vil seie at konsertane er prega av underhaldning, speleglede og å ha det gøy! Kanskje er det nettopp derfor dei har fått æresborgerskap av sjølveste jazzhovudstaden New Orleans. Ytre Suløen er, med andre ord, eit anna namn for fest!

Kjøp billett

9. juni, 2019
kl 10.00

Sidersoger
Maia Urstad

Lydkunstnar Maia Urstad har laga ein spennande lydkunstinstallasjon på Alvavoll gard. I verket SIDERSOGER er det tankane som brukast til siderproduksjon som er sjølve instrumentet. Verket tematiserar Hardanger og hardangerepla si reise ut i verda. Inspirasjonen kjem frå lokale historier om utveksling med omverda gjennom alle tider; munkar som kom med epler, sherpaer som byggjer trapp i fjellet, honning, sider og andre produkt som ein har odla og foredla lokalt, og som sidan drar ut i verda igjen. Vi inviterer publikum til ein pust i bakken i eit av produksjonslokala på Alvavoll Gard: Sit ned, ta inn utsikta, legg øyret inntil ein tank og lytt til «Sidersoger». Materialar/teknikk: 7 ståltankar i varierande storleikar, resonnerande overflatehøgttalarar, fleirkanals avspillingsteknologi.

Kjøp billett

9. juni, 2019
kl 11.00
Pris: 250,-

Sans for sider
Annabel Guaita

Konsertarena: Munkekjellaren på Alvavoll

Ulike sanseinntrykk påverkar kvarandre. Musikk kan påverke korleis vi oppleve mat – og omvendt. I denne konserten utforskar vi korleis vårt eige sanseapparat kan bli ein inngang til å oppleve musikk på ein ny og annleis måte. Kva skjer i hjernen når vi høyrer to melodiar på ein gong? Kva skjer når ein smak treffer ein annan? Korleis smakar Geirr Tveitt sin musikk? Kva for tonehøgder korresponderar med surt, salt og søtt? Vi kombinerer fire korte musikkstykke av Geirr Tveitt, Edvard Grieg, Maurice Ravel og Fartein Valen med ulike sidersortar frå Alvavoll sidergard. På fjøla har vi bitar av norskproduserte ostar.

Kjøp billett

9. juni, 2019
kl 12.00
Pris: 200,-

Psst! og Nøringen
Psst!

Konsertarena: Fjordahallen, Kinsarvik

Familiedag i Fjordahallen med lokale born frå Nøringen og den fengande og morosame musikkforestillinga Psst! PSST følger dei to trommeslagarane Øyvind-lys og Øyvind-mørk gjennom eit døgn. Kvardagslege ting som å ete frokost, bruke tørketrommelen i kjellaren, og å sjå på barne-TV, vert gjort om til musikalske hendingar. Svært aktiv bruk av - og samspel med - levande illustrasjonar (på lerret bak på scena), gjer at skiljet mellom det dagligdagse og den fantastiske, frie barnlege fantasien vert viska ut. PSST er komponert og regissert av to blad Øyvind, i samarbeid med illustratør Fredrik Rysjedal. Øyvind Skarbø og Øyvind Hegg-Lunde er to av dei mest aktive trommeslagarane i Noreg. Begge har motteke ei rekke prisar for arbeidet sitt. Fredrik Rysjedal er ein spennande kunstnar som gjer nybrottsarbeid med teikneseriar tilpassa skjerm. Nøringen er ei kulturarvsatsing for 4-6 åringar i Hardanger og Voss, med folkemusikk og folkedans som den raude tråden. På bornesundag skal vi ha ein felles avslutningskonsert for Nøringenborna i Fjordahallen.

Kjøp billett

9. juni, 2019
kl 13.00
Pris: 250,-

Kammertimen i Jondal Kyrkje
Joachim Carr // Amalie Stalheim // Benedicte Maurseth // Maria Tryti Vennerød // Kristin Skaare

Konsertarena: Jondal kyrkje

Eit lite tversnitt av heile festivalen. Virtoust kammerspel med Amalie Stalheim og Joachim Carr. Ord og tonar i samspel, med festivalforfattar Maria Tryti Vennerød og Kristin Skaare. Nytt og gammalt frå folkemusikken, med Benedicte Maurseth. I Jondal blei ei middelaldersk stavkyrke i 1725 riven og erstatta med ei tømmerkyrkje - reist i 1727. Noverande kyrkje er ei langkyrkje bygd i 1888. Tømmerkyrkja ser ut til å ha blitt reist på den same grunnmuren som stavkyrkja, men då nykyrkja blei bygd måtte ein flytte 30 gravar for at ho skulle få plass. Noverande kyrkje i Jondal er ei stor og flott trekyrkje med god akustikk.

Kjøp billett

9. juni, 2019
kl 14.00
Pris: 300,-

Griegvitjing m/Edvard Munch Ensemble
Edvard Munch Ensemble // Craig Farr // Guro Kleven Hagen // Sverre Barratt-Due

Konsertarena: Ullensvang kyrkje

Ein konsert med berre norsk musikk. Av Grieg får me orginalversjonen av Holbergsuiten for klaver, og cellosonaten. Vakre melodiar og lidenskapelege kjensler pregar begge verk. Det vert ei forrykande reise gjennom vill og vakker norsk natur. Praktfull musikk og trolsk stemning. Me skal også få ein rykande fersk urframføring; "Paper Cage (at the centre of it all)", av Craig Farr. I dette verket tar komponisten for seg sine assosiasjoner til hardingfela. Det foregår ei vandring der både musikalske motiv og energi forflyttar seg rundt i ensemblet. Farr ønskte å utfordre dei klassiske musikarane i ensemblet på energiske rytmer, friksjon og råskap, som ein finn i folkemusikken; samstundes skal verket fungere i deira eige repertoar og kammermusikalske profil. Sidan oppstarten i 2015 har Edvard Munch Ensemble klart å etablere seg blant dei mest spennande kammermusikkensembla i landet . Ensemblet består av nokre av dei råaste unge klassiske utøvarane i Noreg.

Kjøp billett

9. juni, 2019
kl 15.30

Notelangs med kaker og kaffe
Annabel Guaita

Konsertarena: Ullensvang Gjesteheim

Med Annabel Guaita, Maria Kinsarvik, Maia Urstad, Craig Farr og Therese Ulvo. Arrangementet er gratis utan bilettsal.

Kjøp billett

9. juni, 2019
kl 17.00
Pris: 300,-

Nils Økland Band i Kraftkatedralen
Nils Økland // Håkon Stene // Mats Eilertsen

Konsertarena: Kraftkatedralen, Turbinhallen, Tyssedal

Vellyd i Tyssedal! Felespeler Nils Økland har eit særskild talent; Han får folk til å lytte. Når han spelar er det som om han vender seg direkte til kvar og ein i rommet. Han kan halde medmusikarar og lyttarar på tå hev, sjølv om musikken kan vere aldri så lavmælt. Bandet har spelt saman i mange år og har utvikla ein særprega nærleik og varsemd. Dei ulike musikalske stemmene er balanserte og varierte, og resultatet er instrumentalmusikk med spenst, stor djupne og brei appell. På konserten får vi hovudsakleg høyre reportoar frå dei to albuma "Kjølvatn "og "Lysning" men vi får òg høyre musikk fra platene "Blå harding " (Morild-1996) og "Straum"(runegrammofon-2000) Med i bandet er Sigbjørn Apeland (trøorgel), Torbjørn Økland (trompet og gitar) Håkon Mørch Stene (slagverk), Mats Eilertsen (kontrabass), Nils Økland(hardingfele, fiolin og viola d,amore). Musikken er laga av Nils Økland og utvikla i tett samarbeid med musikarane i bandet. Både som utøvar og komponist har Økland bygd bruer mellom folkemusikk, kunstmusikk og improvisasjonsmusikk. Støtta av Norsk Kulturråd

Kjøp billett

9. juni, 2019
kl 19.00
Pris: 100,-

Tett på kunsten - Leander Djønne
Leander Djønne

Konsertarena: Krossvoll, Lofthus

Festivalkunstnar Leander Djønne i samtale med Lars Korff Lofthus. Djønne si praksis beveger seg mellom film, tekst, foto og installasjon. Me vert betre kjend med kunsten hans og ser filmen Kvardagsstein (20 min) som er ei vandring gjennom langstrakt tid. Frå steinen vert til, til dei norrøne busetnadane på Grønland og mysteriet rundt kvifor desse forsvann. Filmen Kvardagsstein er filma i Osafjorden i Hardanger der me besøker den såkalla Sygnestveitkyrkja. Vidare får me sjå spor frå dei norrøne busetjingane på Grønland, mellom anna Hvalsøy kyrkje og Eirik Raudes gard Brattali. Musikken til filmen er komponert og framført av Grjótgarð Hálfdanarson som spelar tagelharpe og lyre. Filmen er ein studie av landskapet i Indre Hardanger og korleis landskapet påverkar dei som bur der, samstundes handlar det om vandring og reise, det å slå røter eller miste tilhøyrsle, fråflytting og utvandring. Det handlar om menneska sitt ynskje om å vera ein del av noko større enn seg sjølv og samstundes oppleve einsemd.

Kjøp billett

9. juni, 2019
kl 21.00
Pris: 300,-

Oppskåka
Therese Birkelund Ulvo // Tora Augestad // Amalie Stalheim // Annabel Guaita // Nils Økland // Håkon Stene // Kristin Skaare // Joachim Carr // Maria Tryti Vennerød // Mats Eilertsen // Eir Inderhaug

Konsertarena: Krossvoll, Lofthus

Vårt musikalske preikeprogram. Festivalleiinga inviterer artistane opp i sofaen for ein prat om livet, musikken & kjærleiken til det heile! Nyt den siste festivalkvelden med mat, drikke, prat og musikk i ein intim og underhaldande atmosfære. Lett servering inkludert i billetten! Vertskap: Therese Birkelund Ulvo & Tora Augestad

Kjøp billett

10. juni, 2019
kl 11.00
Pris: 300,-

Overtonar
Joachim Carr // Eir Inderhaug // Amalie Stalheim // Sverre Barratt-Due // Victoria Puttermann // Thormod Rønning Kvam

Konsertarena: Ullensvang kyrkje

Musikk av 4 viktige kvinner. Fanny Mendelssohn-Hensel viste tidleg musikalsk talent og byrja skrive musikk. Ho blei hemma av si tid sine holdningar til kvinner, holdninger som åpenbart også hennar far og bror (Felix Mendelssohn) delte. I ei tid då kvinner, med mindre dei var songarar, nesten aldri opptrådde offentleg, og heller ikkje komponerte - gjorde Clara Schumann begge delar. Kaija Saariaho er ein av vår tids store komponistprofilar. Den finske komponisten er kjend for å skape rørande, nesten fysiske verk med skimrande, tette klangbilete som gjennomgår stadige forvandlingar. At ein amerikansk jazzkomponist som Maria Schneider skriv fantastisk musikk for sopransolist og klassiske musikarar er ikkje så rart som ein kanskje tenkjer. Arven frå den europeiske kunstmusikken er ein av jazzens byggesteinar, og linja frå Duke Ellington til Maria Schneider sin mentor, Gil Evans, er ikkje lang.

Kjøp billett
Her kan du laste ned programmet frå 2018

Hald deg oppdatert med det siste frå Hardanger Musikkfest

Ved å melde deg på vårt nyhetsbrev, vil du med jamne mellomrom motta nyheiter knytt til Hardanger Musikkfest. Du kan når som helst melde deg av vårt nyhetsbrev ved å klikke på «meld av nyhetsbrev» nedst i kvart nyheitsbrev.

Meld deg på nyhetsbrev