Om oss
Hardanger Musikkfest er ein kammermusikkfestival med base i vakre Lofthus i Hardanger. Festivalen blei etablert i 1996 av Stig Nilsson den dåværande konsertmeisteren i Oslo Filharmonien. Festivalen har ei rik historie med konsertar rundt om i Sørfjorden og omegn. Hardanger Musikkfest er kjend for å utfordra musikarane i nye samspel og nytt repertoar. Det er mange suksesshistorier om samarbeid som held fast etter endt festival. I år er ikkje noko unntak. Me lovar at våre allsidige og dyktige musikarar vil skape heilt spesielle konsertopplevinger i nye møte som kun kan opplevast på Hardanger Musikkfest.
Stab
Vår historie
Hardanger Musikkfest vart etablert av Stig Nilsson i 1996. Den dåverande konsertmeister i Oslo Filharmoniske orkester hadde i nokre år vore på jakt etter ein stad der han kunne invitera vener og kollegaer til felles musisering, og skapa ein festival basert på positive relasjonar og god musikk. Staden fann han i Hardanger, nærare bestemt Ullensvang herad, kor kulturkontoret tok vel imot både han og ideen, og hjalp til med å realisera og gjennomføra festivalen. Festivalen sitt senter har frå fyrste år vore Hotel Ullensvang i Lofthus, som med fantastiske kvalitetar og vakre omgjevnader er ideell for både festivalen, utøverane og publikum.
Hardanger Musikkfest etablerte seg raskt som ein av landets finaste festivalar for klassisk kammermusikk og folkemusikk. Festivalen vaks seg større i tal arrangement og geografisk spreiing i regionen enn det Stig Nilsson hadde kunna drøymt om. Festivalen har ei rik historie med konsertar i alle Hardangerkommunar, og 30-40 konsertar og førestellingar under festivalen.
Artistane som vert inviterte til Hardanger Musikkfest, reiser alltid slitne, men lukkelege heim. Det er mykje jobbing i fleire dagar, men den nære kontakten til publikum, musikken, dei andre artistane og den strålande vakre naturen i Hardanger, gjer det til ei glede for alle involverte. Publikum er både lokale kulturinteresserte, og tilreisande frå nær og fjern.
Då Stig Nilsson valde å tre tilbake som kunstnarisk leiar i 2012, vart Anders Kjellberg Nilsson og Wolfgang Plagge engasjerte som kunstnariske leiarar. Etter to flotte festivalar valde dei å overlata ansvaret til ein av landets lovande komponistar, Therese Birkelund Ulvo, og songar Tora Augestad. Dei var kunstneriske leiarar til og med 2020. Frå 2021 er Therese Birkelund Ulvo og Gunilla Süssmann kunstneriske leiarar. Frå 2023 er Therese Birkelund Ulvo kunstnerisk leiar.
Les også...
This is your Team section. It's a great place to introduce your team and talk about what makes it special, such as your culture and work philosophy. Don't be afraid to illustrate personality and character to help users connect with your team.
