Små Grå si verd er absurd og naturleg på same tid. Det surrealistiske verkar kjend og det kvardagslege vert til kunst.
Små Grå er ei spektakulær vokalgruppe etablert i 2008, som består av Benedikte Kruse, Nina Mortvedt og Mai Elise Solberg. Sidan deira fyrste store produksjon «Kaninkostymet og andre historier fra artens oppstandelse» i Oslo i 2009, har ensemblet samarbeida med komponistar og koreografar som Ørjan Matre, Sidsel Endresen, Bjørn Kruse, Håkon Thelin, Lisa Dillan og Kim Hiorthøy. Våren 2021 fullførte ensemblet Masterstudiet i utøvande improvisasjon ved Norges musikkhøyskole. På andre arenaer jobbar songarane i prosjekt som Band of Gold (Mortvedt), Pitsj og Plutselig Barneteater (Kruse,) og Ontz, Hanne Hukkelberg og ME&I (Solberg). Små Grå gjestar Hardanger Musikkfest for fyrste gong.
31. aug., 2023
kl 16.00
Pris: 170,-
Konsertarena: Opedalstunet
Vernissage for årets festivalkunstnar Elisabeth Emmerhoff. Sigurd Sverdrup Sandmo gjev saman med vokalgruppa Små Grå eit kræsjkurs i færøyske balladar og satiriske dikt. Eit glas Hardangersider inkludert i billetten.
31. aug., 2023
kl 20.00
Pris: 350,-
Konsertarena: Krossvoll, Lofthus
Festivalen sine mange freistingar vert presentert i ord og musikk. Denne kvelden får du den perfekte introduksjonen til artistane. Festivalleijinga inviterar artistane opp i sofaen for ein prat om livet, musikken & kjærleiken til det heile! Nyt den fyrste festivalkvelden med tradisjonsmat, drikke, prat og musikk i ein intim og underhaldande atmosfære. Dette er poplære oppskåka i ny drakt. Vertskap: Therese Birkelund Ulvo. Hakkasteik inkl. i billetten.
1. sep., 2023
kl 16.00
Pris: 250,-
Konsertarena: Krossvoll, Lofthus
Velkomen til rein og skjær kvardagsmagi! Ei konsertforestilling skriven og framført av vokalgruppa Små Grå. Menneska sitt språk, timing, humoren, alvoret, og kva me heng oss opp i og synest er viktig, er inspirasjonen bak Små Grå si konsertforestilling. Trioen er sett saman av fabelaktige Nina Mortvedt, Benedikte Kruse og Mai Elise Solberg.
1. sep., 2023
kl 21.00
Pris: 150,-
Konsertarena: Lofthus Ekspedisjon
Uformell og variert kviss med musikalske overraskingar! Kvissmeistrane er balansekunstnarane Anna Gursli Langesæter og Karl Ystanes! Begge er gardseigarar, men jobbar med sider, festival, journalistikk, HR og PR - til saman har dei ein breidde som få kan skilta med. Spørsmåla vil vera ei fin blanding av musikkrelaterte spørsmål – og heilt andre tema. Me inviterer til ein akkurat passeleg vanskeleg festivalkviss, og det vankar ein fin premie til vinnarlaget! Kvissen startar kl 21:00, og varar om lag to timar.
2. sep., 2023
kl 17.15
Pris: 480,-
Konsertarena: Lofthus Sideri
I år går turen til Lofthus Sideri. Vokalgruppa Små Grå og multiinstrumentalist Kouame Sereba står for dei musikalske boblene, og me får smaka på fleire av produkta frå vertskapet.
2. sep., 2023
kl 19.00
Pris: 400,-
Konsertarena: Hardangerhallen, Lofthus
Overraskingskonserten er Hardanger Musikkfest sin gallakonsert der alle festivalartistar medverkar. I Hardangerhallen på Hotel Ullensvang møter du eit stjernespekka lag og vert servert ei forundringspakke av musikk som overraskar, bevegar og underhaldar. Heile spekteret av festivalen sine artistar deltek i kjende og ukjende konstellasjonar. Therese Birkelund Ulvo og Sigurd Sverdrup Sandmo er kveldens vertskap.
2. sep., 2023
kl 22.00
Pris: 350,-
Konsertarena: Krossvoll, Lofthus
Me er glade for å presentera Festkveld på Krossvoll med Hans Martin Austestad - og hans gjester vokalgruppa Små Grå og songar og skodespelar Henrik Horge, Austestad er anerkjent strengemusikar og banjoist, songskrivar og artist. Han har blitt nominert til Spellemannsprisen heile tre gonger for sitt arbeid med bluegrassbanda Earlybird Stringband og Løkki. Under konserten på vår festival vil han by på ei sjeldan oppleving ved å tolke norsk slåttemusikk på sin femstrengsbanjo. Som om ikkje dette var nok får han også med seg fantastiske Henrik Horge og sine tidlegare klassekamerater i Små Grå til å lage ein heilt spesiell liten konsertavdeling kun for publikummet på Krossvoll denne kvelden. Me gler oss til å ønske publikum velkomne til ein uforgløymeleg kveld på Hardanger Musikkfest. Forvent deg ei herleg oppleving fylt med vakre songar og meisterleg strengespel.
3. sep., 2023
kl 11.00
Pris: 250,-
Konsertarena: Krossvoll, Lofthus
Med Halve Plutselig Barneteater, Små Grå og Stian Carstensen. Publikum vert invitert til å koma med forslag og innspel undervegs, som påverkar handlinga på scena. Artistane improviserer fram ei morosam teaterførestilling med lattergaranti!