Karl Seglem

Karl Seglem har vore frilanskunstnar sidan 1985 og har som komponist, musikar og poet arbeida kontinuerleg med å skapa eit eige uttrykk i musikalske grenseland. Med utgangspunkt i norsk folkemusikk og eigne komposisjonar, vert norsk musikalsk arv fornya gjennom ulike lydbilete der tradisjonane er tydelege. Nysgjerrigheten og lytteøyra har også vore knytta til hans bukkehornspel. Dette instrumentet framstår kanskje som eksotisk, men med eit musikalsk potensiale som gjer hans kunstnarskap og konsertar til noko anna.

Det finst fleire norske musikarar som har arbeida med folkemusikk og jazz på ulike måtar, men det er svært få - om nokon andre, som så systematisk og over tid har utvikla dette grenselandet inn i eit nytt og eige uttrykk. Seglem har mellom anna motteke Buddyprisen, Egil Storbekkens musikkpris og Nopas pris for årets verk. Hans musikk finst på dei fleste flater der du lyttar på musikk, og han har gjeve ut 40 album. Seglem har og gitt ut 4 poesisamlinger og er i tillegg forfatter av historiar i flere barnebokantologier.

Karl Seglem gjestar Hardanger Musikkfest for fyrste gong.