Spelar folkemusikk, klassisk og samtidsmusikk på klaver.
Pianist Ingfrid Breie Nyhus er oppvaksen i ein folkemusikkfamilie med røter i Rørostradisjonen. Ho studerte klassisk klaver i Noreg, Tyskland og Finland, og har sidan arbeidd med klassisk, samtidsmusikk og folkemusikk på klaver. Ingfrid har motteke ei rekkje prisar og utmerkingar, slik som Den Norske Solistpris, Spellemannprisen og Folkelarm. Hun har vore solist med orkester som Oslo-filharmonien, Trondheimsolistene, Kringkastingsorkesteret, og spelar jamnleg på internasjonale konsertscenar og festivalar for folkemusikk, jazz, klassisk og samtidsmusikk. Med musikken «Slåttepiano» har ho skapt si eiga form for folkemusikalsk pianomusikk. “Slåttepiano II” vann prisen Årets Verk 2022 frå Norsk Komponistforening. Ingfrid Breie Nyhus gjesta førre gong Hardanger Musikkfest i 2017.
31. aug., 2023
kl 20.00
Pris: 350,-
Konsertarena: Krossvoll, Lofthus
Festivalen sine mange freistingar vert presentert i ord og musikk. Denne kvelden får du den perfekte introduksjonen til artistane. Festivalleijinga inviterar artistane opp i sofaen for ein prat om livet, musikken & kjærleiken til det heile! Nyt den fyrste festivalkvelden med tradisjonsmat, drikke, prat og musikk i ein intim og underhaldande atmosfære. Dette er poplære oppskåka i ny drakt. Vertskap: Therese Birkelund Ulvo. Hakkasteik inkl. i billetten.
1. sep., 2023
kl 18.00
Pris: 400,-
Konsertarena: Hardangerhallen, Lofthus
Ullensvang Skulemusikklag har sjølve delteke i utforminga av innhaldet på denne konserten. Med seg på laget: komponist Craig Farr og perkusjonistane Owen Weaver og Håkon Skjæret fra Bit20-ensemble. Pianist Ingfrid Breie Nyhus møter også lokal leikarring med sitt Slåttepiano. Under 18 år gratis inngang.
2. sep., 2023
kl 15.00
Pris: 275,-
Konsertarena: Ullensvang kyrkje
Unni Løvlid (vokal), Anne Hytta (hardingfele) og Ingfrid Breie Nyhus (piano, harmonium) gjer sine versjonar av Edvard Grieg sine 9 norske folkeviser, Opus 66, i eigne, heilt særprega versjonar. Tradisjonelt, nyskapande og friskt, frå tre av dei mest spanande musikarane me har innan folkemusikken.
2. sep., 2023
kl 19.00
Pris: 400,-
Konsertarena: Hardangerhallen, Lofthus
Overraskingskonserten er Hardanger Musikkfest sin gallakonsert der alle festivalartistar medverkar. I Hardangerhallen på Hotel Ullensvang møter du eit stjernespekka lag og vert servert ei forundringspakke av musikk som overraskar, bevegar og underhaldar. Heile spekteret av festivalen sine artistar deltek i kjende og ukjende konstellasjonar. Therese Birkelund Ulvo og Sigurd Sverdrup Sandmo er kveldens vertskap.
3. sep., 2023
kl 12.00
Pris: 300,-
Konsertarena: Ullensvang kyrkje
Andreas Brantelid, Ingfrid Breie Nyhus og Christopher Park i eit heilnorsk kammermusikalsk program frå jubilanten Thomas Tellefsen til Ingfrid Breie Nyhus sine eigne komposisjonar. Grieg er sjølvsagt også med, og me får blant anna Bryllupsdag på Troldhaugen.