Elisabeth Emmerhoff

Fotografiet har vore med Elisabeth Emmerhoff i heile hennar vaksne liv. Som fotografstudent i London og med ein mastergrad i kunst frå Kunsthøgskulen i Bergen, har fotografiet stadig fått prøva seg på nye innfallsvinklar. Elisabeth Emmerhoff er interessert i møta, oss menneske imellom. Å vera i augneblinken, for å prøva å fanga det som ligg i det, med kameraet. Ho bur på Grønsnes, ein fruktgard på Jåstad i Sørfjorden. Elisabeth Emmerhoff har gjort fleire fotoprosjekt som tek utgangspunkt i Hardanger sin særeigne kultur, og vart difor det naturlege val som festivalkunstar med tematikken GRØDE. På Opedalstunet kan bileta hennar opplevast gjennom heile festivalveka. Ta turen innom! Elisabeth Emmerhoff gjestar Hardanger Musikkfest for fyrste gong.