En strålende uttrykksfull musiker.
“Christopher Park er ein pianist som fengslar med sitt fascinerande tekniske nivå, sin forbløffande musikalske modnad, og ein spesielt intens spelestil”, var orda som fall frå juryen i Stiftung Schleswig-Holstein Music Festival, då Park mottok den prestisjefulle Leonard Bernstein-prisen i 2014. Med dette gjekk han inn i rekkjene til høgt akta musikarar som Lang Lang, Lisa Batiashvili og Martin Grubinger, som alle starta sine karrierar med denne prestisjefulle prisen. Mange store ensemble har engasjert Park, og han har jobba med dirigentar som Christoph Eschenbach og Jukka-Pekka Saraste, og spelt konserter i Europa, Asia, USA og New Zealand. Han er lidenskapeleg oppteken av kammermusikk, og debuterte i Brahms Saal i Vienna Musikverein med Küchl Quartet seint i 2014. Sidan 2021 har Park vore professor ved Norges musikkhøgskole. Christopher Park gjestar Hardanger Musikkfest for fyrste gong.
31. aug., 2023
kl 18.00
Pris: 300,-
Konsertarena: Ullensvang kyrkje
Høgtideleg opning med kammermusikalsk grøde. Anne Hytta spelar nylaga musikk for hardingfele frå prosjektet “Gjennom dagen”. Andreas Brantelid (cello) og Christopher Park (klaver) byr på musikk av Joseph Woelfl og Sergei Rachmaninov. Opningstale ved fruktbonde Harald Alvavoll.
31. aug., 2023
kl 20.00
Pris: 350,-
Konsertarena: Krossvoll, Lofthus
Festivalen sine mange freistingar vert presentert i ord og musikk. Denne kvelden får du den perfekte introduksjonen til artistane. Festivalleijinga inviterar artistane opp i sofaen for ein prat om livet, musikken & kjærleiken til det heile! Nyt den fyrste festivalkvelden med tradisjonsmat, drikke, prat og musikk i ein intim og underhaldande atmosfære. Dette er poplære oppskåka i ny drakt. Vertskap: Therese Birkelund Ulvo. Hakkasteik inkl. i billetten.
1. sep., 2023
kl 13.15
Pris: 250,-
Konsertarena: Ullensvang kyrkje
Bøndene i Hardanger byrja å pressa eple til saft på 1700-talet, og her startar vår musikalske tidslinje. Pianist Christopher Park tek oss med på ei musikalsk tidsreise frå 1773 til i dag. Sigurd Sverdrup Sandmo er med som kunnskapsrik ekspedisjonsleiar.
2. sep., 2023
kl 11.00
Pris: 500,-
Sopran Mari Eriksmoen og pianist Christopher Park gjev ei intim og eksklusiv konsertoppleving i ærverdige Skrivargarden. Lieder og romansar står på programmet - og her er mykje lengsel og grobotn for dei store kjenslene. Skrivargarden på Lofthus er ein unik, svært flott konsertarena med berre 30 plassar.
2. sep., 2023
kl 19.00
Pris: 400,-
Konsertarena: Hardangerhallen, Lofthus
Overraskingskonserten er Hardanger Musikkfest sin gallakonsert der alle festivalartistar medverkar. I Hardangerhallen på Hotel Ullensvang møter du eit stjernespekka lag og vert servert ei forundringspakke av musikk som overraskar, bevegar og underhaldar. Heile spekteret av festivalen sine artistar deltek i kjende og ukjende konstellasjonar. Therese Birkelund Ulvo og Sigurd Sverdrup Sandmo er kveldens vertskap.
3. sep., 2023
kl 12.00
Pris: 300,-
Konsertarena: Ullensvang kyrkje
Andreas Brantelid, Ingfrid Breie Nyhus og Christopher Park i eit heilnorsk kammermusikalsk program frå jubilanten Thomas Tellefsen til Ingfrid Breie Nyhus sine eigne komposisjonar. Grieg er sjølvsagt også med, og me får blant anna Bryllupsdag på Troldhaugen.