Ein av dei mest etterspurde utøvarane i Skandinavia.
Andreas Brantelid får rosande omtalar over heile verda for dei tankevekkjande tolkingane sine, den unike klangfargen og den engasjerande personlegdomen. Han vart fødd i København i 1987 og har foreldre frå Sverige og Danmark. Den første opplæringa fekk han av far sin, cellisten Ingemar Brantelid, og han debuterte som solist som 14-åring, då han framførte Elgars cellokonsert med Det Kongelige Kapel i København. I 2018 vart Brantelid kunstnarleg leiar av Stavanger internasjonale kammermusikkfestival i lag med pianist Christian Ihle Haddeland. Andreas Brantelid spelar på ein «Boni-Hegar»-Stradivarius frå 1707, som er stilt til disposisjon for han med støtte frå den norske kunstsamlaren Christen Sveaas. Andreas Brantelid gjesta førre gong Hardanger Musikkfest i 2009.
31. aug., 2023
kl 18.00
Pris: 300,-
Konsertarena: Ullensvang kyrkje
Høgtideleg opning med kammermusikalsk grøde. Anne Hytta spelar nylaga musikk for hardingfele frå prosjektet “Gjennom dagen”. Andreas Brantelid (cello) og Christopher Park (klaver) byr på musikk av Joseph Woelfl og Sergei Rachmaninov. Opningstale ved fruktbonde Harald Alvavoll.
31. aug., 2023
kl 20.00
Pris: 350,-
Konsertarena: Krossvoll, Lofthus
Festivalen sine mange freistingar vert presentert i ord og musikk. Denne kvelden får du den perfekte introduksjonen til artistane. Festivalleijinga inviterar artistane opp i sofaen for ein prat om livet, musikken & kjærleiken til det heile! Nyt den fyrste festivalkvelden med tradisjonsmat, drikke, prat og musikk i ein intim og underhaldande atmosfære. Dette er poplære oppskåka i ny drakt. Vertskap: Therese Birkelund Ulvo. Hakkasteik inkl. i billetten.
1. sep., 2023
kl 11.15
Pris: 250,-
Konsertarena: Fløy bakeri
Kom tett på folkemusikar Anne Hytta og cellist Andreas Brantelid når dei framfører formiddagens tonar inne på Fløy Bakeri. Servering frå Fløy inkludert.
2. sep., 2023
kl 19.00
Pris: 400,-
Konsertarena: Hardangerhallen, Lofthus
Overraskingskonserten er Hardanger Musikkfest sin gallakonsert der alle festivalartistar medverkar. I Hardangerhallen på Hotel Ullensvang møter du eit stjernespekka lag og vert servert ei forundringspakke av musikk som overraskar, bevegar og underhaldar. Heile spekteret av festivalen sine artistar deltek i kjende og ukjende konstellasjonar. Therese Birkelund Ulvo og Sigurd Sverdrup Sandmo er kveldens vertskap.
3. sep., 2023
kl 12.00
Pris: 300,-
Konsertarena: Ullensvang kyrkje
Andreas Brantelid, Ingfrid Breie Nyhus og Christopher Park i eit heilnorsk kammermusikalsk program frå jubilanten Thomas Tellefsen til Ingfrid Breie Nyhus sine eigne komposisjonar. Grieg er sjølvsagt også med, og me får blant anna Bryllupsdag på Troldhaugen.