Om Pekka Kuusisto

Fiolinist, dirigent og komponist Pekka Kuusisto er kjend for si frie og friske tilnærming til repertoaret. Kuusisto er kunstnarisk leiar for Det Norske Kammerorkester og hovudgjestedirigent og kunstnarisk meddirektør i Helsinki Filharmoniske Orkester. Han er òg kunstnarisk partner med Mahler Chamber Orchestra og Saint Paul Chamber Orchestra, og samarbeidspartnar for San Francisco Symphony og Die Deutsche Kammerphilharmonie Bremen. Kuusisto er ein entusiastisk talsmann for samtidsmusikk og ein talentfull improvisatør som ofte har spennande samarbeid på tvers av sjangrar og uttrykk.