Om Halvor Festervoll Melien

Barytonen Halvor Festervoll Melien har ein av landets flotteste mannsstemmer og er etterspurt som både konsert- og operasanger over heile Europa. Han gjer seg stadig bemerka som formidlar av nyskreven musikk, og er samtidig blant våre mest anerkjende Bach-tolkarar. Han har sunget med alle dei norske symfoniorkestra, i tillegg til BBC Philharmonic, Les Talens Lyriques, Concertgebouw Kamerorkest, Danmarks Radios Symfoniorkester og Det Norske Kammerorkester, og har dessuten vore ansatt ved Den Norske Opera. Melien har eit bredt repertoar og kombinerer barokkmusikk, samtidsmusikk, operaroller og konserter.