Om Annabel Guaita

Annabel Guaita er aktiv som konsertpianist og har ein kunstnarisk doktorgrad på Fartein Valen sin musikk. Det siste tiåret har det vore hennar mål å losa både vaksne og born gjennom klassiske musikkverk på ein slik måte at det vert ei oppleving i augneblinken. Ho er jamnleg engasjert av Bergen Filharmoniske Orkester og Festspillene i Bergen. Gjennom utselde lyttelosføredrag har ho i mange år klart å trollbinda publikum og opna dørene inn til klassisk musikk på ein ny måte. Ho har lang erfaring som musikkformidlar, blant anna som skulekonsertmusikar i Rikskonsertene og som instruktør i argentinsk tango.