«Det er med stort vemod at Hardanger Musikkfest avlyser årets festival i pinsen 2020. Dei nasjonale og regionale tilrådingane er klare, og i solidaritet bidreg me i den nasjonale dugnaden med å hindra smittespreiing.  

Eit arrangement av denne storleiken har store ringverknader, også når me no lyt avlysa arrangementet. Me vil bruka tida frametter på å gå i dialog med alle råka partar og freista finna minnelege løysingar i ein svært krevjande situasjon.  

Me bed om forståing for at arbeidet frametter vil ta noko tid, men me ynskjer vera offensive i høve mandatet vårt om å gje publikum store og ekstraordinære musikkopplevingar i Hardanger.»